— Футболда ғалаба қозонилса футболчилар ютади, мағлубиятга учралса мураббий ютқазади. Шунинг учун ҳам бугунги мағлубиятни ўз зиммамга оламан. Ўйлашимча, бугунги баҳсга футболчиларимни яхшилаб руҳлантира олмадим. Шогирдларим негадир қўрқиб ўйнашди. Балки "Бунёдкор"нинг салбати босгандир. "Шўртан"ни меҳмондаги ютганимиздек ўйнай олмадик. Қисқа қилиб айтадиган бўлсам бугун ўйинимиз қовушмади, — деди Рустам Тўхтамуродович.

— "Шўртан"га қарши баҳс олдидан жамоани қандай руҳлантирган эдингиз?
— "Бунёдкор"нинг номи, салобати, нуфузи ва шу каби омиллари футболчиларимга босим юклади. "Шўртан"да эса бу каби қўрқинчли жиҳатлар йўқ.

— Бугун иккинчи ва учинчи голларда ҳимоячиларингиз ўз кучларига ишонишмагандек кўринди. Югурса тўпга етиб оладигандек кўринган вазиятларда ортда қолиб кетишди.
— Ҳозир бирон нима деёлмайман. Учрашув ёзилган видео-тасмани кўриб чиқсак, ҳатоларимиз кўзга ташланади.

— Билишимизча, Бекободда янги арена барпо этилган. Айтингчи, "Металлург" ўзининг уй учрашувларини қачондан бошлаб янги стадионда ўтказа бошлайди?
— Буни мен ҳал этмайман. Янги стадионнинг масъул ходимлари бор. Яқинда Рустам Акрамов бошчилигидаги ЎФФнинг махсус комиссияси Бекободда бўлиб, ушбу аренани кўздан кечиришди. Аниқланишича, майдоннинг ҳолати текширувчиларнинг талабига тўғри келмаган. Майса яхши ҳолатга келиши учун маълум вақт керак.