Халқаро футбол ассоциациялари федерацияси (ФИФА) терма жамоаларнинг янгиланган рейтингини эълон қилди.

Ўзбекистон терма жамоаси 83-ўриндан жой олган. Ўтган ойдаги рейтингдан икки поғона юқорига кўтарилган. Аввалги ойдаги жадвалга нисбатан очколаримиз 9,53 баллга ошди.

ОФК вакиллари орасида Ўзбекистон термаси 11-поғонада бормоқда. Дастлабки учлик эса Эрон, Япония ва Жанубий Кореяга тегишли.

Сречко Катанец шогирдлари март ойида иккита ўртоқлик ўйинида иштирок этди. Уларда Қирғизистон ва Уганда терма жамоалари мағлуб этилган.

Умумий рейтингда Бразилия терма жамоаси Бельгияни ортда қолдириб, пешқадамликни ўз қўлига олган. Шунингдек, Мексика топ-10 ликда пайдо бўлган, Дания кучли ўнликни тарк этган.

ФИФА рейтинги:

1. Бразилия — 1832
2. Бельгия — 1827
3. Франция — 1790
4. Аргентина — 1765
5. Англия — 1762
6. Италия — 1723
7. Испания — 1709
8. Португалия — 1675
9. Мексика — 1659
10. Нидерландия — 1658

ОФК:
21. Эрон — 1564
23. Япония — 1553
29. Жанубий Корея — 1519
42. Австралия — 1462
49. Саудия Арабистони — 1445
51. Қатар — 1441
68. БАА — 1357
72. Ироқ — 1339
75. Уммон — 1324
77. Хитой — 1304
83. Ўзбекистон — 1286
88. Сурия — 1265
89. Баҳрайн — 1262
91. Иордания — 1260