«Реал» келаси йилнинг ёзида клуби билан шартномаси 2023 йилнинг июнида тугайдиган «Лестер» ярим ҳимоячиси Юри Тилемансни қўлга киритишга уриниб кўриши мумкин. Бельгиялик футболчининг ўзи яқинда «тулкилар» билан шартномани узайтиришдан бош тортган эди.
Mundo Deportivo нашри хабарига кўра, «қаймоқранглилар» бельгиялик футболчининг шартномаси билан боғлиқ вазиятни кузатиб боришади ва бу ҳолатда улар ўз таклифларини беришга тайёр бўлишади. Агар «Лестер» ушбу мавсум якунида футболчини сотмаса, у ҳолда 2023 йилда жамоа текинга уни йўқотиш хавфи бор.
Тилеманс ўтган мавсумда «Лестер» билан Англия кубогини қўлга киритди. Финал учрашувида «тулкилар» Лондоннинг «Челси» жамоасини мағлуб этишди ва айнан бельгиялик ғалаба тўпини киритди.
