Мадриднинг “Реал” клуби ҳужумчиси Карим Бензема ва ҳимоячи Ферлан Менди “Сельта”га қарши Испания чемпионати 30-тур учрашувида майдонга тушиши мумкин, деб хабар бермоқда Marca.
Манба берган хабарга кўра, футболчилар "қаймоқранглилар"нинг бугунги умумий гуруҳ машғулотларида шуғулланишган.
Ўйинчилар "Сельта"га қарши майдонга тушишлари мумкин, аммо уларнинг асосий мақсади Чемпионлар лигаси 1/4 финалида Лондоннинг "Челси"сига қарши баҳсга тайёр бўлишдир.
Бензема ва Мендидан ташқари ҳужумчи Гарет Бэйл ҳам машғулотларга қайтди.
Олдинроқ Менди ва Бензема мушакларида муаммо борлиги ҳақида хабар берилганди. Шу сабабли футболчилар Испания чемпионатининг 29-туридан ўрин олган “Барселона”га қарши ўйинни (0:4) ўтказиб юборишди.
