Карл-Хайнц Румменигге Лионель Мессига қарши ҳуштакбозликни салбий тарзда қабул қилди.

«ПСЖ» мухлислари Лига 1 доирасида «Бордо»га қарши ўйин олдидан (3:0) Месси ва Неймарни ҳақорат қилишди, «Монако» билан ўйинда (0:3) эса аргентиналик футболчига нисбатан ҳуштакбозлик уюштиришди.

«Бундай кадрларни кўрганимда юрагим оғрийди. Мессига ўхшаган футболчига нисбатан бундай реакция яхши эмас.

Бундай футболчилар бу каби эътирозларга анча таъсирчан бўлишади. 

У Парижда бахтсиз. Бироқ, менимча, у сўнгги ҳафталарда руҳий томондан анча яхшиланди. Ўтган ёзда уни мухлислар ажойиб тарзда кутиб олишганини эслайман», — дейди «Бавария»нинг собиқ бош директори.