"Ньюкасл" "Милан" ҳимоячиси Алессио Романьоли билан шартнома имзоламоқчи. Бу ҳақда Calciomercato хабар берди.
Манбага кўра, миланликлар 27 ёшли футболчини ўз жамоасида сақлаб қолиш учун бор кучи билан ҳаракат қилмоқда. "Ньюкасл" вакиллари эса аллақачон Романьоли билан боғланиб, унга ўз таклифини билдиришган. Шунингдек, футболчига "Лацио" ҳам қизиқмоқда.
Аввалроқ, ҳимоячи клуби билан амалдаги шартномани узайтириш борасида келиша олмагани ҳақида хабар берилганди. Италиялик ҳимоячи жорий мавсумда барча турнирлар доирасида 25 ўйинда майдонга тушиб, гол урди ва голли узатмани амалга оширди.
