Аввалроқ хабар берилганидек, "ПСЖ" дарвозабони Жанлуиджи Доннарумма Франция чемпионатидан кўнгли тўлмаяпти, шу сабабли, А Сеерияга қайтиш ҳақида ўйлаяпти.
Унинг собиқ жамоаси - «Милан» ўз тарбияланувчисини таркибга қайтаришга шошилмаяпти. «Интер» эса «Аякс» посбони Андре Онанани сотиб олмоқда ва Доннаруммага қизиқиш билдирмаяпти.
La Gazzetta Dello Sport хабарига кўра, Туриннинг «Ювентус» клуби бу трансферга қизиқиш билдирмоқда, аммо «кекса сеньора» раҳбарияти Доннарумманинг маошидан хавотир олишмоқда. Чунки, италиялик дарвозабоннинг йиллик маоши 7 миллион евро...
Шу сабабли, "Ювентус" ҳам Жанлуижини А Серияга қайтара олмайди. Бироқ, ёзда «ПСЖ»да катта ўзгаришлар тўлқини юз беришини ҳисобга олган ҳолда, туринликлар дарвозабон билан маош борасида келишиб олишларига умид қилишмоқда.
