Дортмунднинг "Боруссия" клуби ярим ҳимоячиси Синдзи Кагава ҳамон амалдаги шартномасини узайтирмаганлиги ҳақида маълумотлар бор.
Дортмунд клуби раҳбарияти япониялик футболчига душанба кунигача муҳлат берган. Яқин уч кун ичида Кагава барча масалага ойдинлик киритиши шарт. Агар шу муддатдан кейин ҳам футболчи шартнома тузиш муддатини чўзадиган бўлса, "Боруссия" уни трансферга қўйиши ҳақида огоҳлнатирди. Бу ҳақда Kicker нашри хабар бремоқда.
Эслатиб ўтамиз, япониялик футболчининг амалдаги шартномаси 2013 йилнинг ёз ойида тугаши керак эди. Мавсум тугагач, Дортмундликлар ушбу мавсумда жамоанинг энг яхши футболчиларидан бири бўлган футболчига 2016 йилгача мўлжалланган янги шартнома таклиф қилишган ва унинг йиллик маошини ҳам 3 миллион еврогача кўтаришга рози бўлишган эди.
Аммо, шу кунларда "Манчестер Юнайтед", "Челси" ҳамда "Милан" жамоалари футболчини қулай шартномалар билан ўзига оғдирмоқчи бўлаётгани, япониялик футболчининг иккиланишларига сабаб бўлмоқда.
Агар душанбагача Кагава "Боруссия" билан амалдаги шартномасини узайтирмаса, клуб уни трансферга қўяди. Япониялик футболининг таҳминий трансфер суммаси 15 миллион еврога баҳоланган.
Таъкидлаш лозикми, футболчининг трансфери икки йил олдин "Боруссия"га атиги 350 минг еврога тушган эди.
