«Сассуоло» ҳужумчиси Доменико Берарди Италия А сериясининг бир қанча клублари томонидан нишонга олинган, деб хабар беради Calciomercato.
Манбанинг хабарига кўра, ҳужумчи ҳозирда «Фиорентина» ва «Наполи»нинг диққат марказида бўлиб турибди. Эслатиб ўтамиз, футболчининг «қора-яшиллар» билан амалдаги шартномаси 2024 йилнинг ёзига қадар тузилган ва у 35 миллион еврога баҳоланган.
Жорий мавсумда Берарди клуби таркибида 27 та ўйин ўтказиб, 14 та гол ва шунча голли узатмани амалга оширди.