Киевнинг «Динамо» жамоаси Европанинг топ-клублари билан бир қатор ўйинлар ўтказади.

Украина раҳбарияти кўмагида «Динамо» халқаро хайрия миссияси доирасида бир қатор ўртоқлик ўйинлари ўтказади.

«Динамо»нинг Европа клублари билан ўйинлари 2022 йилнинг апрель-июнь ойларида, жумладан, «Боруссия», «ПСЖ», «Стяуа», «Легия», «Барселона», «Милан», «Бенфика», «Аякс», «Спортинг» ва «Базель» клублари билан ўтказилиши режалаштирилган.

Украина чемпиони иштирокидаги бу ўйинларнинг барчаси «Тинчлик учун ўйин!» шиори остида ўтказилади.

Ушбу ўйинлардан мақсад халқаро ҳамжамиятни Украинадаги вазият ҳақида хабардор қилиш ва жабрланган украиналикларни қўллаб-қувватлаш учун маблағ йиғишдир.

Киевнинг «Динамо» жамоаси бутун дунёга Украина халқи тинчлик ва эркинлик учун интилаётганини намойиш этади.