«Челси» бош мураббийи Томас Тухель АПЛ доирасида «Брентфорд»дан учралган мағлубият ҳақида фикр билдирди.
АПЛнинг 31-турида «кўклар» ўз майдонида 1:4 ҳисобида мағлуб бўлди.
«Ҳеч ким буни кутмаганди, айниқса 1:0 ҳисоби олдинда бораётганимизда. Бу бизга хос эмас, лекин ҳимояланишни тўхтатдик. Бизга қандай хавф таҳдид солаётганини тушунмадик, бепарволик билан ўзимизни ҳимоя қилдик ва жазоландик.
10 дақиқа ичида "Брентфорд" бор кучини ишга солди. Уларнинг учинчи голидан кейин 10 дақиқа давомида биз жуда яхши вазиятлар яратдик, лекин уларни голга айлантира олмадик. Рақибга омад кулиб боқди ва у ўз имкониятларини голга айлантира олди. Биз эса Премьер-лига даражасида ҳимояланмадик ва бунинг учун товон тўладик», - деди Тухель.
