Американинг "Нью-Йорк" клуби ҳужумчиси Тьерри Анри 1999 йилдан 2007 йилгача ўзи тўп сурган Лондоннинг "Арсенал" жамоасига мураббий бўлиш истагида эканлигини билдирди.
"Ўйлайманки, бу иш қўлимдан келади. Билмадим, яхши мураббий бўла оламанми, аммо ўзимни жуда синаб кўргим келяпти. "Арсенал"ни қанчалик севишимни айтиш ортиқча. Мен ҳозир ким бўлсам - шу клуб туфайли. Сўзсиз, "канонирларни" бошқариш - менинг орзуим", - дея Анрининг сўзларни келтиради USA Today.













