Лондоннинг «Вест Хэм» клуби польшалик дарвозабон Лукаш Фабианскига янги шартнома таклиф қилмоқчи. Футболчи 2018 йилнинг ёзидан бери «болғачилар» сафида тўп сурмоқда.
Премьер-лиганинг жорий мавсумида футболчи 29 та ўйин ўтказиб, 38 та гол ўтказиб юборди ва 7 та учрашувда ўз дарвозаси даҳлсизлигини сақлаб қолди. Тахминларга кўра, 36 ёшли польшалик билан келишув бир йилга узайтирилади.
Фабианскининг «Вест Хэм» билан амалдаги шартномаси 2022 йилнинг ёзига қадар тузилган. Трансфермаркт портали дарвозабоннинг нархини 1 миллион еврога баҳоламоқда.
«Вест Хэм» 30 ўйиндан сўнг 48 очко билан Премьер-лигада 8-ўринда бормоқда. Жамоани еврокубоклар зонасидан уч очко ажратиб турибди.
