Londonning «Vest Xem» klubi polshalik darvozabon Lukash Fabianskiga yangi shartnoma taklif qilmoqchi. Futbolchi 2018 yilning yozidan beri «bolg‘achilar» safida to‘p surmoqda.

Premyer-liganing joriy mavsumida futbolchi 29 ta o‘yin o‘tkazib, 38 ta gol o‘tkazib yubordi va 7 ta uchrashuvda o‘z darvozasi dahlsizligini saqlab qoldi. Taxminlarga ko‘ra, 36 yoshli polshalik bilan kelishuv bir yilga uzaytiriladi.

Fabianskining «Vest Xem» bilan amaldagi shartnomasi 2022 yilning yoziga qadar tuzilgan. Transfermarkt portali darvozabonning narxini 1 million yevroga baholamoqda.

«Vest Xem» 30 o‘yindan so‘ng 48 ochko bilan Premyer-ligada 8-o‘rinda bormoqda. Jamoani yevrokuboklar zonasidan uch ochko ajratib turibdi.