"Наполи" бош мураббийи Лучано Спалетти Италия чемпионатининг 31-туридан ўрин олган "Аталанта"га қарши ўйин (3:1) натижаси ҳақида фикр билдирди.
“Биз биринчи ўрин учун курашяпмиз. Бунинг учун эса жамоада ғолиблар психологияси бўлиши керак. Бизнинг дам олишга ҳаққимиз йўқ. Ҳар дақиқада ғалабага интилиш керак.
"Аталанта" яхши футбол кўрсатди. Иккинчи бўлимда рақиб бизга босим қилди. Аммо ўшанда "Наполи" футболчилари характер кўрсатишганди. Кўриниб турибдики, 2:1 ҳисоби ғалабани кафолатламайди", - деди Спаллетти DAZN нашрига.
"Наполи" А Серия турнир жадвалида 66 очко билан иккинчи ўринда.