Испания Ла Лигасининг 30-тур марказий учрашуви "Барселона" ҳамда "Севилья" жамоалари ўртасида бўлиб ўтди.

Ушбу беллашувда ким ғалаба қозонса, турнир жадвалининг иккинчи поғонасини банд этарди. Шу сабабли, ўйинга бўлган қизиқиш юқори эди.

Ҳужумлар ташкил қилиш ва хавфли вазиятлар яратиш борасида "Барселона" устунлик қилди. Бир нечта вазиятда омад келмади ёки якунда аниқлик етишмади.

Беллашувнинг 72-дақиқасида Дембеледан тўпни қабул қилиб олган Педри икки рақибни чиройли тарзда алдаб, чамаси 18 метрлардан "Севилья" дарвозасини ишғол этди. Мана шу ягона гол "Барселона"га муҳим уч очкони олиб келди ва иккинчи ўринни таъминлади.

"Барселона" – "Севилья" 1:0

4 апрель, 00.00, «Камп Ноу»

Гол: 1:0 – 72 Педри.

"Барселона" – тер Стеген, Дани Алвес, Пике, Араухо, Альба, Бускетс, де Йонг (Гави, 74), Педри, Обамеянг (Депай, 81), Дембеле (Нико Гонсалес, 90), Ферран Торрес.

"Севилья" – Буну, Навас (Монтьель, 78), Диего Карлос, Кунде, Рекик (Рафа Мир, 82), Ракитич, Гудель (Эн-Несири, 78), Ламела (Корона, 67), Окампос, Жордан, Марсьяль (Аугустинссон, 82).

Огоҳлантиришлар: Бускетс (61), Дембеле (82), Пике (85), Корона (85), Монтьель (85), Окампос (88).