Ispaniya La Ligasining 30-tur markaziy uchrashuvi "Barselona" hamda "Sevilya" jamoalari o‘rtasida bo‘lib o‘tdi.

Ushbu bellashuvda kim g‘alaba qozonsa, turnir jadvalining ikkinchi pog‘onasini band etardi. Shu sababli, o‘yinga bo‘lgan qiziqish yuqori edi.

Hujumlar tashkil qilish va xavfli vaziyatlar yaratish borasida "Barselona" ustunlik qildi. Bir nechta vaziyatda omad kelmadi yoki yakunda aniqlik yetishmadi.

Bellashuvning 72-daqiqasida Dembeledan to‘pni qabul qilib olgan Pedri ikki raqibni chiroyli tarzda aldab, chamasi 18 metrlardan "Sevilya" darvozasini ishg‘ol etdi. Mana shu yagona gol "Barselona"ga muhim uch ochkoni olib keldi va ikkinchi o‘rinni ta’minladi.

"Barselona" – "Sevilya" 1:0

4 aprel, 00.00, «Kamp Nou»

Gol: 1:0 – 72 Pedri.

"Barselona" – ter Stegen, Dani Alves, Pike, Arauxo, Alba, Buskets, de Yong (Gavi, 74), Pedri, Obameyang (Depay, 81), Dembele (Niko Gonsales, 90), Ferran Torres.

"Sevilya" – Bunu, Navas (Montyel, 78), Diyego Karlos, Kunde, Rekik (Rafa Mir, 82), Rakitich, Gudel (En-Nesiri, 78), Lamela (Korona, 67), Okampos, Jordan, Marsyal (Augustinsson, 82).

Ogohlantirishlar: Buskets (61), Dembele (82), Pike (85), Korona (85), Montyel (85), Okampos (88).