«Вест Хэм» ҳимоячи Исса Диоп учун 15 миллион евро сўради, дея хабар беради Foot Mercato. Аввалроқ футболчига «Лион» қизиқаётгани ҳақида хабарлар тарқалган эди.
Жорий мавсумда футболчи АПЛда 11 та ўйин ўтказиб, 1 та голли узатмани амалга оширди.
Футболчининг шартномаси 2023 йилнинг ёзида якунига етади. Лондон клуби асосий таркибга тўғри келмайдиган ва «Лион» таклифини қабул қилмоқчи бўлган футболчини ўз сафида ортиқ олиб қолмоқчи эмас, лекин Диопни 15 миллион евродан кам суммага хайрлашмайди. Француз ОАВларининг ёзишича, футболчига «Лион» қизиқиш билдирмоқда, аммо бу нарх клуб учун жуда қиммат бўлиши мумкин, шу билан бирга унинг юқори маоши ҳам муаммо бўлиши айтилмоқда.
