«Vest Xem» himoyachi Issa Diop uchun 15 million yevro so‘radi, deya xabar beradi Foot Mercato. Avvalroq futbolchiga «Lion» qiziqayotgani haqida xabarlar tarqalgan edi.
Joriy mavsumda futbolchi APLda 11 ta o‘yin o‘tkazib, 1 ta golli uzatmani amalga oshirdi.
Futbolchining shartnomasi 2023 yilning yozida yakuniga yetadi. London klubi asosiy tarkibga to‘g‘ri kelmaydigan va «Lion» taklifini qabul qilmoqchi bo‘lgan futbolchini o‘z safida ortiq olib qolmoqchi emas, lekin Diopni 15 million yevrodan kam summaga xayrlashmaydi. Fransuz OAVlarining yozishicha, futbolchiga «Lion» qiziqish bildirmoqda, ammo bu narx klub uchun juda qimmat bo‘lishi mumkin, shu bilan birga uning yuqori maoshi ham muammo bo‘lishi aytilmoqda.
