Ҳимоячи Рюдигер «Барселона»да бир мавсумга 7 миллион евро олмоқчи. Каталония клуби вакиллари «Челси» ҳимоячисининг агенти билан учрашув ўтказган.
Немис футболчиси шу ёзда «Челси»ни текинга тарк этади ва катта миқдорда бонус олишга интилмоқда.
«Барса» футболчидан бу талабларни пасайтиришини истайди ва уни арзон нархда қўлга киритиб, жамоа учун идеал футболчи бўлишига ишонади.
2021/22 йилги мавсумда Рюдигер «Челси» сафида барча турнирлар доирасида 42 та ўйинда майдонга тушиб, 3 та гол ва 4 та голли узатмага муаллифлик қилган. Футболчининг Лондон клуби билан шартномаси 2022 йилнинг июнь ойи охиригача амал қилади.
