Туриннинг «Ювентус» клуби «Ницца» ярим ҳимоячиси Кефрен Тюрамга қизиқиш билдирмоқда. Бу ҳақда Tuttosport хабар бермоқда.
Манбага кўра, Туринликлар 21 ёшли ярим ҳимоячининг ўйинини томоша қилиш учун ўз скаутларни юборган.
Кефрен Тюрам 2001-2006 йилларда «Ювентус»да ўйнаган ва икки карра Италия чемпионига айланган машҳур франциялик ҳимоячи Лилиан Тюрамнинг ўғли ҳисобланади.
Кефрен Тюрамнинг «Ницца» билан шартномаси 2025 йилнинг июнигача амал қилади. Transfermarkt портали футболчини 14 миллион еврога баҳоламоқда. 2021/22 йилги мавсумда ярим ҳимоячи клуб сафида 33 та ўйин ўтказиб, 3 та гол урди ва 2 та голли узатмани амалга оширди.
