Англия терма жамоасининг собиқ футболчиси Уэйн Руни «Эвертон» атрофидаги вазият ҳақида ўз фикрлари билан ўртоқлашди. У мавсумнинг биринчи ярмида Рафа Бенитеснинг жамоага келиши футболчиларга ёмон таъсир қилганини таъкидлади.
“Мен Рафани "Эвертон"га муносиб деб ҳис қилмадим. Бу иш бермади ва футболчилар ўзига бўлган ишончни йўқотди", - деди Руни.
Унинг қўшимча қилишича, "Эвертон"нинг муаммолари мавсум бошидаги хатолардан келиб чиққан.
"Фрэнк жамоага келганидан бери у ўйинчиларда менталитетни шакллантиришга ҳаракат қилмоқда, бироқ зарар мавсум бошидаёқ содир бўлган", - дея қўшимча қилди Руни.
