The Athletic нашри хабарига кўра, «Тоттенхэм» ёзги трансфер ойнаси учун марказий ҳимоя позициясини кучайтирмоқчи.
Манбага кўра, «шпорлар» «Интер» футболчиси Алессандро Бастонини ёки «Лейпциг» аъзоси Йошко Гвардиолни сотиб олишга ҳаракат қилиб кўради. Шу билан бирга, Бастонини «Тоттенхэм» бош мураббийи Антонио Конте яхши билади. Сабаби италиялик мутахассис «Интер»ни бошқарганида футболчига устозлик қилган.
Инглиз клуби Свен Ботман («Лилль») ва Нико Шлоттербек («Фрайбург») каби футболчиларни ҳам кузатиб турибди.
Маълумот ўрнида, «Тоттенхэм» 30 ўйиндан кейин 54 очко билан АПЛда 4-ўринда бормоқда.