The Athletic nashri xabariga ko‘ra, «Tottenxem» yozgi transfer oynasi uchun markaziy himoya pozisiyasini kuchaytirmoqchi.
Manbaga ko‘ra, «shporlar» «Inter» futbolchisi Alessandro Bastonini yoki «Leypsig» a’zosi Yoshko Gvardiolni sotib olishga harakat qilib ko‘radi. Shu bilan birga, Bastonini «Tottenxem» bosh murabbiyi Antonio Konte yaxshi biladi. Sababi italiyalik mutaxassis «Inter»ni boshqarganida futbolchiga ustozlik qilgan.
Ingliz klubi Sven Botman («Lill») va Niko Shlotterbek («Frayburg») kabi futbolchilarni ham kuzatib turibdi.
Ma’lumot o‘rnida, «Tottenxem» 30 o‘yindan keyin 54 ochko bilan APLda 4-o‘rinda bormoqda.
