Кеча, 6 апрель куни «Реал» Чемпионлар лигаси 1/4 финалининг биринчи ўйинида «Челси»ни меҳмонда 3:1 ҳисобида мағлуб этди, мадридликлар ҳужумчиси Карим Бензема ўйиннинг асосий юлдузи бўлиб, жамоасининг учта голини ҳам киритди.

Бензема жорий мавсумда клуб миқёсидаги голлари сонини 37 тага етказди ва жорий мавсумда 13 та голли узатмани амалга оширди. «Гол+пас» тизимида 50 (37+13) очко Европанинг топ-5 лигаси футболчилари учун мавсумдаги энг яхши натижа ҳисобланади.

Бенземанинг энг яқин таъқибчилари Роберт Левандовски - 49 (45+4), Килиан Мбаппе - 45 (28+17), Кристофер Нкунку - 41 (27+14), Муҳаммад Салоҳ - 38 (28+10).