"МЮ" футболчиси Поль Погба мавсум сўнгида бошқа жамоага ўтиши аниқ бўлиб бормоқда. Хабарларга кўра, Погба учун "Реал", "ПСЖ" ҳамда "Ювентус" асосий эҳтимолий манзиллар сифатида қаралади.
Аммо футболчининг ўзи "Ювентус"га қайтишни афзал кўрмоқда. Таъкидланишича, "кекса синьора" ҳам Погбани қайтаришга қарши эмас. Аммо Турин клубига футболчининг маоши катта муаммодир. Погба айни дамда "МЮ"да ҳафтасига 290 минг фунт маош олади.
Бундай қийматни тўлаш "Ювентус"ни ўйлантирмоқда. Погба А серияга қайтиши учун маошининг бир қисмидан кечишига тўғри келиши мумкин.
