«Сурхон» Ўзбекистон кубоги доирасидаги илк учрашувини 1992 йил 12 апрель куни ўтказган. Ўшанда клуб Жиззахнинг «Сўғдиёна» жамоасига 0:5 ҳисобида ютқазган бўлса, жавоб ўйинида дуранг ўйнаган – 0:0.

1993 йилги мавсумда «Сурхон» илк бор биринчи босқичдан ўта олган. Кейин эса Бухоронинг «Ситора» клубини мағлуб қилди. Термиз клуби илк бор турнирнинг нимчорак финал босқичи иштирокчисига айланди. Кейинги уч мавсумда клуб ўз номини АСКга ўзгартирди ва 1995 йилда яна 1/8 финалга чиқди. 1997 йилги қуръа ташлаш маросимида АСК яна аввалги номига қайтди. «Сурхон» иккинчи саралаш босқичига чиқди.

2000/01 йилги мавсумда термизликлар барча учрашувларда ғалаба қозониб, ўз гуруҳида ғалаба қозонган бўлса, 1/8 финалда Жиззахнинг «Сўғдиёна» клуби яна термизликлар йўлига ғов бўлди. Аммо 2002/2003 йилги мавсумда бу «Сурхон» учун мувафақиятли бўлди. Жамоа гуруҳ босқичида иккинчи ўринни эгаллаб, 1/8 финалда Бекободнинг «Металлург» жамоасини (умумий — 4:3), чорак финалда «Машъал»ни мағлубиятга учратди (умумий — 5:4). Клуб учун тарихий ҳисобланган ярим финалда эса «Сурхон» «Пахтакор»дан мағлуб бўлди.

2005 йилда «Сурхон» «Локомотив»га фақат қўшимча кўрсаткичлар бўйича кучли саккизлик йўлланмасини бой берганди. 2007-2011 йилларда «Сурхон» мамлакат кубогида иштирок этмаган, 2012 йилги мавсумда эса «Машъал»га қарши баҳсда термизликлар фақат пенальтилар сериясида ғалабани қўлдан бой берганди.

2019 йилда «Сурхон» “Раш Милк” ва Тошкентнинг «Локомотив» клубларини мағлуб этиб, чорак финал босқичига йўл олди, сўнгги мавсумда ҳам жамоа 1/4 финалга чиқди.