«Surxon» O‘zbekiston kubogi doirasidagi ilk uchrashuvini 1992 yil 12 aprel kuni o‘tkazgan. O‘shanda klub Jizzaxning «So‘g‘diyona» jamoasiga 0:5 hisobida yutqazgan bo‘lsa, javob o‘yinida durang o‘ynagan – 0:0.

1993 yilgi mavsumda «Surxon» ilk bor birinchi bosqichdan o‘ta olgan. Keyin esa Buxoroning «Sitora» klubini mag‘lub qildi. Termiz klubi ilk bor turnirning nimchorak final bosqichi ishtirokchisiga aylandi. Keyingi uch mavsumda klub o‘z nomini ASKga o‘zgartirdi va 1995 yilda yana 1/8 finalga chiqdi. 1997 yilgi qur’a tashlash marosimida ASK yana avvalgi nomiga qaytdi. «Surxon» ikkinchi saralash bosqichiga chiqdi.

2000/01 yilgi mavsumda termizliklar barcha uchrashuvlarda g‘alaba qozonib, o‘z guruhida g‘alaba qozongan bo‘lsa, 1/8 finalda Jizzaxning «So‘g‘diyona» klubi yana termizliklar yo‘liga g‘ov bo‘ldi. Ammo 2002/2003 yilgi mavsumda bu «Surxon» uchun muvafaqiyatli bo‘ldi. Jamoa guruh bosqichida ikkinchi o‘rinni egallab, 1/8 finalda Bekobodning «Metallurg» jamoasini (umumiy — 4:3), chorak finalda «Mash’al»ni mag‘lubiyatga uchratdi (umumiy — 5:4). Klub uchun tarixiy hisoblangan yarim finalda esa «Surxon» «Paxtakor»dan mag‘lub bo‘ldi.

2005 yilda «Surxon» «Lokomotiv»ga faqat qo‘shimcha ko‘rsatkichlar bo‘yicha kuchli sakkizlik yo‘llanmasini boy bergandi. 2007-2011 yillarda «Surxon» mamlakat kubogida ishtirok etmagan, 2012 yilgi mavsumda esa «Mash’al»ga qarshi bahsda termizliklar faqat penaltilar seriyasida g‘alabani qo‘ldan boy bergandi.

2019 yilda «Surxon» “Rash Milk” va Toshkentning «Lokomotiv» klublarini mag‘lub etib, chorak final bosqichiga yo‘l oldi, so‘nggi mavsumda ham jamoa 1/4 finalga chiqdi.