Дортмунднинг «Боруссия» клуби ярим ҳимоячиси Жуд Беллингемга АПЛнинг яна бир етакчи клуби қизиқиш билдиришни бошлади.
Аввалги хабарлар 18 ёшли футболчига «Манчестер Юнайтед» ва «Ливерпул»нинг қизиқишлари билан боғланганди. Fichajes нашри хабарига кўра, ёш футболчига энди «Манчестер Сити» клуби қизиқиш билдиришни бошлади.
Англиялик футболчининг «Боруссия» билан шартномаси 2025 йилгача мўлжалланган, шунинг учун немис клуби ушбу трансфер учун жуда катта товон пули сўрамоқда.
Жорий мавсумда Жуд Беллингем барча мусобақаларда "Боруссия"нинг 38 та ўйинида майдонга тушиб, 6 та гол ва 13 та голли узатмани амалга оширди. Transfermarkt портали англиянинг ёш ярим ҳимоячини 75 миллион еврога баҳоламоқда.
