"Эвертон" ҳужумчиси Ришарлисон ёзда жамоасини алмаштириши мумкин. UOL хабарига кўра, 24 ёшли бразилиялик Англияда қолмоқчи.
Ришарлисоннинг "Эвертон" билан амалдаги шартномаси 2024 йилгача мўлжалланган. Бразилиялик ҳужумчи 2017 йилдан бери Премьер-лигада ҳаракат қилиб келмоқда.
Сўнгги ҳафталарда бразилиялик футболчига "Манчестер Юнайтед", "Ньюкасл" ва "Тоттенхэм"дан таклифлар келиб тушди. "Ирислар" футболчи учун 80 миллион евро олмоқчи.
Жорий мавсумда Ришарлисон барча турнирларда 25 та ўйинда майдонга тушиб, 7 та гол урди ва 4 та голли узатмани амалга оширди.
