«Милан»нинг франциялик тажрибали ҳужумчиси Оливье Жиру журналистлар билан суҳбатда «россонерилар» чемпионлик учун ҳамма нарсага тайёр эканини айтди.
Жирунинг айтишича, миланликлар ҳозирда турнир жадвалида пешқадамлик қилмоқда, шунинг учун ҳам худди шундай руҳда давом этиши ва хотиржамликни сақлаши керак. Оливьенинг таъкидлашича, миланлик футболчилар жорий мавсумда чемпионликни қўлга киритиш учун қўлидан келганини қилишга тайёр.
Эслатиб ўтамиз, айни дамда «россонерилар» турнир жадвалида пешқадамлик қилишмоқда. Миланликларнинг асосий таъқибчилари «Наполи» ва «Интер» ҳисобланишади.
