"ПСЖ" раҳбарияти Килиан Мбаппени ўз таркибида сақлаб қолиш учун катта молиявий харажатларга тайёр. Қайд этилишича, шартнома узайтирилгани учун франциялик футболчига 180 миллион евро бонус тўланади.
Шу билан бирга Мбаппенинг Париждаги маоши йилига 25 миллион еврони ташкил қилади. Бундан ташқари, 23 ёшли футболчининг вакиллари, унинг оиласи шартнома қайта имзоланган тақдирда 50 миллион евро миқдорида бонус олади.
Килианнинг "ПСЖ" билан шартномаси 2022 йилнинг ёзига қадар амал қилади. Футболчи ҳали парижликлар билан шартномани узайтиргани йўқ. Мбаппе учун асосий даъвогар "Реал Мадрид" ҳисобланади.
