«Лестер» ярим ҳимоячиси Юри Тилеманс Англиянинг гранд клублари сафига ўтиши мумкин.

24 ёшли бельгиялик футболчи январь ойида «Арсенал» ва «Манчестер Юнайтед»га ўтиши мумкин эди, лекин маълум сабабларга кўра ушбу битим амалга ошмай қолганди.

CBS Sports нашри тарқатган хабарга қараганда, ёзда иккала даъвогар клублар «Лестер» етакчиси билан шартнома имзолашга уринишларини давом эттиришади.

Тилеманснинг «тулкилар» билан шартномаси бир йилдан сўнг тугайди, шу боис уни 30 миллион еврога арзонлаштирилган нархда қўлга киритиш мумкин бўлади.

Юри Тилеманс 2021/22 йилги мавсумда «Лестер» сафида 39 та ўйинда 7 та гол урган.