«Реал» ярим ҳимоячиси Марко Асенсио «Тоттенхэм»га ўтиши мумкин, деб хабар беради Sunday Mirror.
Футболчининг агентлари унга Лондон клубига ўтишни таклиф қилишган. Асенсионинг Мадрид клуби билан шартномаси 2023 йилда тугайди ва ҳозирча томонлар келишувни узайтириш борасида умумий келишувга эриша олишмаган. «Реал Мадрид» футболчини 30 миллион фунт эвазига қўйиб юборишга тайёр.
Аввалроқ футболчига «Арсенал» ва «Милан» клублари ҳам қизиқиш билдираётгани ҳақида хабарлар тарқалган эди.
Жорий мавсумда футболчи Ла Лигада 26 та ўйин ўтказиб, 8 та гол уришга эришди.