"Реал" ҳужумчиси Марко Асенсио "Ювентус" Пауло Дибалага ўринбосар сифатида кўрилмоқда, дея хабар беради Fichajes.
Маълумот учун, аргентиналик футболчи 2022 йилнинг ёзида Турин клуби сафини тарк этади.
Манбага кўра, Асенсио Дибаланинг “Ювентус”даги ўрнига асосий даъвогар ҳисобланади.
26 ёшли ҳужумчи жорий мавсумда “Реал” сафида 35 та ўйинда майдонга тушиб, 10 та гол урди ва 1 та голли узатмани амалга оширди. Унинг Мадрид клуби билан шартномаси 2023 йилда якунига этади.