«Ливерпуль» «Лестер» ярим ҳимоячиси Юри Тилемансни сотиб олмоқчи эмас.
CBS Sports журналисти Бен Жейкобснинг сўзларига кўра, «Ливерпуль» ёзда «Лестер» ва Бельгия терма жамоаси ярим ҳимоячиси Юри Тилеманснинг трансферига қизиқмаяпти. Бироқ, 24 ёшли футболчининг атрофидаги вазиятни «Арсенал» ва «Манчестер Юнайтед» фаол кузатиб бормоқда.
Футболчининг «Лестер» билан шартномаси 2023 йилда тугайди ва Тилеманс шартномани узайтирмоқчи эмаслигини аниқ айтди. Аввалроқ футболчига «Ливерпуль» қизиқиш билдираётгани, чунки клуб ярим ҳимоя марказини «ёшартирмоқчи» экани ҳақида хабар берилганди. Бироқ ҳозирда Клопп футболчи сотиб олишга қизиқмаётгани айтилмоқда.
Шунингдек, ёзги трансфер ойнасида Тилемансни сотиб олиш потенциал харидорларга 25 миллион фунтга тушиши мумкинлиги айтилмоқда.
