Ўйинолди матбуот анжуманида мезмонлар вакили сифатида дарвозабон Евген Галекович ҳам қатнашди.

- Биз Чемпионлар лигасида яхши натижа кўрсатишга мажбурмиз. Чунки ички чемпионатимизда сўнги ўринлардан бирини эгалладик. Шу сабабдан ҳам биз фақат 1/8 финалга чиқибгина тинчланамиз ҳамда шундагина ўз ишқибозларимизни тинчлантира оламиз.

- Рақиб тўғрисида қандай фикрдасиз?

- “Бунёдкор” биринчи учрашувда жуда ҳужумкор ўйин кўрсатганди. Мен тинмай меҳнат қилишга мажбур бўлганман. Биз ўзбекистонликларни кучли жамоа деб биламиз.

- Жамоа мазкур беллашувга жисмонан қай даражада тайёр?

- Тўғри, бизда мавсум якунланганига бир ҳафта бўлди. Ҳаммамиз чарчаганмиз. Лекин профессионал футболчилар бундан ҳам оғир шароитга мослашишлари даркор, деб ҳисоблайман.