«Милан» «Реал» ҳужумчиси Марко Асенсио билан шартнома имзолашига шубҳа қилмоқда.
MilanNews хабарига кўра, «россонерилар» Асенсиода Испания пойтахтини шу ёзда тарк этиш учун яхши имконият борлигини билишади, чунки унинг шартномаси тугашига атиги бир йил қолган ва «Милан» раҳбарияти испанияликнинг агентлари билан эҳтимолий трансфер борасида музокаралар олиб боришган.
Техник директор Паоло Малдини 26 ёшли футболчининг ўйинларини яхши кўради, бироқ айни дамда Италия клуби иккита тўсиқни енгиб ўтиш керак. Биринчиси, футболчининг маоши, чунки Асенсио мавсум учун тахминан 7 миллион евро сўрамоқда.
Иккинчи тўсиқ - бу Премьер-лига клублари ўртасидаги жуда кучли рақобат, яъни келишувнинг ҳар қандай имконияти футболчининг ўзига боғлиқ бўлади.
