«Ливерпуль» ҳужумчиси Муҳаммад Салоҳ футбол тарихидаги энг яхши дарвозабон ҳақидаги саволга жавоб берди.
Мисрлик футболчи тўртта исмни алоҳида таъкидлаб ўтди, улар орасида унинг жамоадоши Алиссон Бекер ҳам бор эди.
«Мен тўртта дарвозабонни кўрсатишим мумкин: Касильяс, Буффон, Алиссон ва Нойер. Бироқ энг зўрини танлаш жуда қийин бўлади», - дея Салоҳнинг сўзларидан иқтибос келтирмоқда «Ливерпуль» расмий сайти.
Эслатиб ўтамиз, Салоҳ аввалроқ «Рома» таркибида Алиссон Бекер билан бирга ўйнаган. Кейин футболчилар яна «Ливерпул»да бирлашдилар ва биргаликда Чемпионлар лигаси, УЕФА Суперкубоги, Лига кубоги ва Премьер-лига чемпионлигини қўлга киритишди.
