"Фламенго" ярим ҳимоячи Андрес Перейрани "Манчестер Юнайтед"дан сотиб олиши даргумон.
ESPN хабарига кўра, Бразилия клуби 2021 йилнинг августида ижарага олинган футболчини сотиб олишдан воз кечмоқчи. Ярим ҳимоячининг ўйини раҳбариятни трансфер учун шартномада кўрсатилган 12 миллион фунт (бонуслар билан бирга) сарфлашга арзийдиганига ишонтирмади.
Қайд этилишича, "Манчестер Юнайтед" агар сумма камайтирилса, ҳали ҳам келишувга эришиш мумкинлигига умид қилмоқда, аммо Перейранинг Англияга қайтиши эҳтимоли юқорироқ экани тахмин қилинмоқда.
Перейранинг ўзи ҳам "Фламенго"да қолиш учун маошини камайтиришга тайёр.
