Журналист Маттео Мореттонинг таъкидлашича, «Барселона» устози Хави «Бавария» ҳужумчиси Роберт Левандовскига «Камп Ноу»да қураётган лойиҳасининг моҳиятини шахсан ўзи тушунтириб берган. Шундай кейин Польша терма жамоаси етакчиси Каталония клубига ўтишга тайёр эканлигини билдирган, бироқ ҳозирча келишув расман амалга ошгани йўқ.

Бугун «кўк-анорранглилар» Роберт учун 35 миллион евро тўлашга тайёр эканлиги ва футболчи учун йилига 40 миллион евро маош тўламоқчилиги ҳақида хабарлар тарқалган эди. Аммо бу ҳам ҳали ўз тасдиғини топмади. 

Маълумот ўрнида, жорий мавсумда Роберт Левандовски Германия чемпионатида 29 та ўйин ўтказиб, 32 та гол урган.