Jeunes Footeux нашри хабарига кўра, «Тоттенхэм» «Ланс» ярим ҳимоячиси Секо Фофанага қизиқиш билдирмоқда.
Фофана 2020 йилда «Удинезе»дан «Ланс»га ўтган эди. Икки мавсум давомида футболчи клуб сафида 66 та ўйин ўтказиб, асосий жамоа ўйинчисига айланди. Ўз навбатида, «Тоттенхэм» бош мураббийи Антонио Конте жамоанинг ярим ҳимоя марказини кучайтиришга ҳаракат қилмоқда ва Секо ушбу позициядаги камчиликларни ёпиши мумкин деб ҳисобланмоқда.
Бироқ, Фофана бу позиция учун ягона номзод эмас. Аввалроқ «шпорлар» «Лестер» ярим ҳимоячиси Юри Тилемансга ҳам қизиқиш билдираётгани ҳақида хабар берилганди.