Гранит Жака «Арсенал» мухлислари билан муносабатлари ҳақида гапирди.

“Мен клубдан ташқаридагилар, мухлислар билан яқинроқ бўлиш учун яхши муносабатда бўлишни хоҳлайман. Биз улар билан ҳеч қачон учрашмаймиз, ҳеч қачон гаплашмаймиз. Улар бизни фақат майдонда кўришади: 90 дақиқа - ва хайр.

Олдин қандай машғулотлар ўтказганимизни билишмайди, ўзингизни қандай ҳис қилаётганингизни, оилавий муаммоларингиз бор-йўқлигини билишмайди, кўп нарсани билишмайди.

Мавсум якунида шартномам тугашига икки йил қолади. Мен клубда эканман бор кучимни бераман. Мен доим шундай дейман. Мен яхши дам олиш учун янги шартнома имзоламадим.

Йўқ, мен бу клуб билан нимагадир, ўзгача нарсага эришмоқчиман. Унгача кетмайман” - деди «Арсенал» ярим ҳимоячиси The Players’ Tribune нашрига.