14 апрель куни муҳташам “Бобур Арена” стадионида Ўзбекистон Coca-Cola Кубоги 2-туридан ўрин олган “Андижон” ҳамда “Сўғдиёна” жамоалари иштирокида муҳим ўйин ўтказилади.
Кубок мусобақасида ҳам ўз олдига юксак вазифани "Андижон"жамоаси айни чоғда Суперлига клубига қарши бўлиб ўтадиган беллашувга ҳар томонлама жиддий тайёргарлик кўрмоқда.
Илк турда “Янгиер” майдонида ишончли ғалабани қўлга киритиб қайтган “Андижон” футболчилари 14 апрель куни ўтказиладиган ўйинда ҳам фақат ғалабани кўзлашмоқда.
Мана шундай жиддий тўқнашувда андижонлик мухлисларнинг қўллаб-қувватлаши ҳам жуда муҳим аҳамият касб этади. Зеро, стадионда ишқибозларнинг олқишлаши футболчиларга қўшимча куч ва мотивация бериши шубҳасиз.
Шундай экан, "Андижон" футбол клуби раҳбарияти барча мухлисларни 14 апрель куни “Бобур Арена” стадионига чорлаб қолади.
