14 aprel kuni muhtasham “Bobur Arena” stadionida O‘zbekiston Coca-Cola Kubogi 2-turidan o‘rin olgan “Andijon” hamda “So‘g‘diyona” jamoalari ishtirokida muhim o‘yin o‘tkaziladi.

Kubok musobaqasida ham o‘z oldiga yuksak vazifani "Andijon"jamoasi ayni chog‘da Superliga klubiga qarshi bo‘lib o‘tadigan bellashuvga har tomonlama jiddiy tayyorgarlik ko‘rmoqda.

Ilk turda “Yangiyer” maydonida ishonchli g‘alabani qo‘lga kiritib qaytgan “Andijon” futbolchilari 14 aprel kuni o‘tkaziladigan o‘yinda ham faqat g‘alabani ko‘zlashmoqda.

Mana shunday jiddiy to‘qnashuvda andijonlik muxlislarning qo‘llab-quvvatlashi ham juda muhim ahamiyat kasb etadi. Zero, stadionda ishqibozlarning olqishlashi futbolchilarga qo‘shimcha kuch va motivasiya berishi shubhasiz.

Shunday ekan, "Andijon" futbol klubi rahbariyati barcha muxlislarni 14 aprel kuni “Bobur Arena” stadioniga chorlab qoladi.