Франкфуртнинг «Айнтрахт» клуби дарвозабони Кевин Трапп Европа лигаси чорак финали доирасидаги «Барселона»га қарши сафардаги иккинчи ўйиндан олдинги фикрлари билан ўртоқлашди.
Жамоалар ўртасидаги Германиядаги биринчи ўйин 1:1 ҳисобида якунланганди.
«Барселона» бизга нисбатан эҳтиёткор ўйнаш кераклигини тушунади. Нафақат ўтган ҳафтадан бери, балки кучли рақибларга қарши сафар ўйинларида ҳам натижани сақлаб қолишимизни кўп маротаба исботлаганимиз учун ҳам.
Бир нарса аниқ: биз кейинги босқичга чиқмоқчимиз», - дея Трапп сўзларини келтирмоқда УЕФА матбуот хизмати.
Жамоалар ўртасидаги жавоб ўйини 14 апрель куни Каталонияда бўлиб ўтади ва Тошкент вақти билан соат 00:00да бошланади.
