2022/23 йилги мавсумда УЕФА Миллатлар лигасининг ҳал қилувчи ўйинларини ўтказишга тўртта мамлакат таклиф билан чиққан.
УЕФА матбуот хизмати хабарига кўра, Бельгия, Польша, Нидерландия ва Уэльс ўз аризаларини топширган. Футбол федерациялари 13 апрелгача ўз таклифларини эълон қилишлари керак эди.
Мусобақанинг ярим финал ва финал ўйинларини ўтказадиган давлат номи 2023 йилнинг январида аниқланади.