«Арсенал» «Галатасарой» вингери Керем Актуркўғлуга қизиқиш билдирмоқда.
Туркиянинг Star нашри хабарига кўра, «Арсенал» Керем Актуркўғлуни ўз сафига қўиб олмоқчи ва «Галатасарой»га 20 миллион евро таклиф қилишга тайёр. Шунингдек, ҳужумчига «Тоттенхэм» ҳам қизиқиш билдираётгани айтилмоқда.
Керем Актуркўғли «Галатасарой» сафида кўрсатган ажойиб ўйини билан Европа клубларининг эътиборини тортди. Қанот футболчиси турк клуби сафида барча мусобақаларда 11 та гол уриб, 10 та голли узатмани амалга оширган ҳолда ўзининг энг яхши мавсумларидан бирини ўтказди.
23 ёшли футболчининг «Галатасарой» билан шартномаси 2026 йилнинг ёзида якунига етади.
