"Челси" ҳимоячиси Сесар Аспиликуэта ёзда "Барселона"га ўтишга умид қилмоқда. У инглиз клуби билан уни қўйиб юбориш борасида музокаралар олиб бормоқда, деб хабар беради Sport.es.
Аввалроқ, 32 ёшли ҳимоячи ва "Челси" ўртасидаги ёзда тугайдиган келишувда ҳамкорликни яна бир мавсумга узайтириш варианти кўрсатилгани ҳақида хабар берилганди. У маълум миқдордаги ўйинлар ўйналганидан кейин фаоллашади.
Испаниялик футболчининг "Челси"даги келажаги нечта ўйин ўтказилишига боғлиқлиги аниқ бўлмаса-да, бу кўрсаткичга аллақачон яқин қолган деб тахмин қилинмоқда.
Жорий мавсумда Аспиликуэта барча мусобақаларда 35 та ўйинда майдонга тушиб, 2 та гол ва бир хил миқдордаги голли узатмани амалга оширди.
