“Интер” ҳимоячиси Милан Шкриньяр А Серия 33-тури доирасида “Спесия”га қарши ўйиндаги ғалаба (3:1) ҳақида фикр билдирди.

“Биз ҳозир қилаётган ишимизни давом эттиришимиз керак. Бугун биз ўзимиз учун вазиятни қийинлаштирдик, аммо барибир якунда ғалаба қозонишга муваффақ бўлдик.

Ишларимиз ўз самарасини бераётганидан хурсандман. Таслим бўлмаслигимиз керак. Биз охиригача курашамиз. “Ювентус”га қарши ўйин бизга ҳар томонлама ёрдам берди. Жамоа ғалаба қозонганидан хурсандман", - деди Шкриньяр Calciomercato нашрига.